NY'yê derbarê metirsiyên Hişê Çêkirî hişyarî da
Sekreterê Giştî yê Rêxistina Neteweyên Yekbûyî (NY) derbarê dûhatên xeternak ên bikaranînê leşkerî û ne-leşkerî yên Hişê Çêkirî li dijî aştî û ewlehiya cîhanî hişyarî da.
Li gorî nûçeya IRNA'yê, Antonio Guterreş, Sekreterê Giştî yê Rêxistina Neteweyên Yekbûyî (NY) roja Sêşemiyê got: Bikaranîna xêrnexwazane ya sîstemên Hişê Çêkirî ji bo armancên terorîstî, sûc an dewletî dikare berûlayên wehşetnak ên mirin, wêranî û ziyanên derûnî yên berfireh pêk bîne.
Sekreterê Giştî yê Rêxistina Neteweyên Yekbûyî (NY) di yekem civîna Konseya Ewlehiyê bi navê Derfet û Xeterên Hişê Çêkirî ji bo Aştî û Ewlehiya Navneteweyî da tekez kir:
Êrîşên sayberî yên bi rêya Hişê Çêkirî binesaziyên bingehîn û operasyonên parastina aştiyê û yên mirovdostane dikin armanc û dibin sebeba ded û rencên mirovî yên mezin.
Wî got: Danûstandina navbera Hişê Çêkirî û çekên navokî, biyoteknolojî, Noroteknolojî û Robotîkê gellekî nîgeranker e.
Guterreş got: "Komîsaryaya Bilind a Mafên Mirov derbarê vêya ku Hişê Çêkirî dikare bibe sebeba xurtkirina tasîb û serhişkiyan, cihêkarî û çavdêriyên zorbêjane, nîgeranîya xwe diyar kiriye."
