Wezîrê Berevaniyê yê Îranê: Êrişên hovane yên Rejîma Siyonîst ser Xezzeyê, weke xwekujiya siyasî ye
Wezîrê berevaniyê yê Îranê êrişên hovane yên Rejîma Siyonîst ser zîvala Xezzeyê wek xwekujiya siyasî bi da zanîn û got: Ev rejîma nehs hewil dide bi kuştina zarokan û xelkê bêguneh, tola işkesta operasiyona bêmînak a operasonî û îstixbaratî ya xwe hilde.
Emîr sertîp, Muhemedriza Qerayî Aştiyanî, wezîrê berevaniya Îranê di peywendiyeke telefonî bi Serleşker Elî Mehmûd Ebas , wezîrê berevaniya Sûriyê re, tevî şermezarkirina cinayetên Rejîma Siyonîstî bi taybetî êrişa ser nexweşxaneya El-Muemdanî li zîvala Xezzeyê got: Rewşa Filistînê diltezîn e û dilê hemû misilmanan êşandiye. Sertîp Qerayî Aştiyanî bal kişand ser serketinên Tevgera Berxwedana Îslamî ya Filistînê Hemasê di operasyona Bahoza Eqsayê û got: Piştî van serkeftinan Rejîma Siyonîst bi cinayetên xwe yên hovane li Xezzeyê mahiyeta xwe ya rastîn eşkere kir.
Sertîp Qeayî Aştiyanî bal kişand ser peywendiya telefonî bi wezîrê berevaniya Iraqê re û got: Helwesta cidî a hikûmeta Iraqê û Sûriyê derheq helwêstên serbixwe û li dijî asayîkirina peywendiyan bi Rêjîma Siyonîst re dikare bo welatên erebî bibe mînak, welatên ku ku dixwazin bi vê rejîmê re peywendiyên xwe asayî bikin.
Serleşker Mehmûd Ebas wezîrê berevaniya Sûriyê jî ji hevkariyên Komara Îslamî ya Îranê bi mijarên Sûriyê û bereya berxwedanê sipasî kir û got: Êrişên Rejîma dagîrker a Israîlê ser Xezzeyê û her wiha ser firokexaneyên Heleb û Şamê, lawaziya wan navxweyî bi taybet di meydana şer de nîşan dide
