Emîr-Ebdullahiyan: Biryarnameya Ajansa Navneteweyî ya Enêrjiya Atomê lezokî û siyasî ye
Wezîrê karên derve yê Îranê kiryara Amerîka û sê welatên ewropî ya raberkirina biryarnameyê bo Konseya Hakiman a Ajansa Navneteweyî ya Enêrjiya Atomê wek tevgereke lezokî û siyasî da zanîn.
Li gorî rapora berbanga Yekşemiyê ya IRNAyê, Husên Emîr Ebdullahiyan, Wezîrê karên derve yê Îranê û António Guterres Sekreterê gişt ê Rêxistina Neteweyên Yekgirtî (NY) derbarê hin alûgorên navçeyî û navneteweyî bi rêya telefonê axivîn.
Wezîrê karên derve yê Îranê tevî diyarkirina piştevaniya Îranê ji dewama agirbesê li Yemenê li ser pêwîstiya rakirina tam a dorpêça mirovî tekez kir.
Emîr-Ebdullahiyan bal kişande ser hevpeyivîna xwe ya roja borî tev hevpêşeyê xwe yê sûrî û dewama destdirêjiyên Rejîma Siyonîst ser axa Sûriyê û êrîşa leşkerî ser balefirgeha Şamê wek binpêkirina aşkira ya xalên rêziknameya NY da zanîn.
António Guterres jî tekezî li ser girîngiya dewama gotûbêjên Viyenê kir û dîplomasî wel rêya herî baş ji bo çareserkirina nakokiyên navbera Îranê û hin aliyên din ên gotûbêjên Lihevkirina Navokî da zanîn.
Sekreterê gişt ê Rêxistina Neteweyên Yekgirtî (NY) her wiha biryarnameya vê dawiyê ya Ajansa Navneteweyî ya Enêrjiya Atomê derbarê Îranê tenê wek naverokeke şîretkirinê da zanîn.
