Tirkîye hêz û alavên leşkerî vediguhêze Kobanî û Girê Sipî
Bi dû peyama serokomarê Tirkîyê derbarê opêrasyona leşkerî li rojhilata Firatê de, çavkanîyên herêmî ragihandin ku artêşa Tirkîyê hêz û alavên leşkerî vediguhêze Kobanî û Girê Sipî.
Li gorî rapora Ajansa Nûçan a Kurdpress`ê, bi dû axavtinên duh ên Receb Teyîb Erdogan serokomarê Tirkîyê derheq lidarxistina opêrasyonên leşkerî li rojhilata Firatê, Ajansa Nûçan a Hawarê ragihand ku artêşa Tirkîyê bi awayekî berfire hêz û alavên leşkerî vediguhêze Kobanî û Girê Sipî.
Li gorî agahîyan, hêzên artêşa Tirkîyê amadekarîya opêrasyoneke leşkerî li rojavaya Kobanîyê li rex çemê Firatê û gundên Zorava, Boban û Aşê yên li derdora çemê Firatê dike û gellek hêz û alav li wir bi cih kirine.
Li gorî raporên ji herêma Girê Sipî tên, artêşa Tirkîyê bi berfireyî hêz û alavên leşkerî vediguhêze derdora vê kantona di bin destê hêzên kurd ên sûrî de.
Artêşa Tirkîyê 3 hezar hêzên çekdar li gundê Akça Kalê li ser sînorê vî welatî û Girê Sipî li parêzgeha Ûrfayê bi cih kirine.
Li gorî raporan, hêzên artêşa Tirkîyê di 12`ê Cotmehê de ber bi gundên Al Yeşar û Zîyaretê li rojhilata Kobnanîyê ve gulle avêtin.
Niştecihên wan gundana ragihandin ku hêzên çekdar ên Tirkîyê bi doçkayan gulle ber bi van gundan ve avêtin.
