Filistînî qurbaniyê kêmasiya xwarin û dermanan
Nivîsgeha medyayê ya hikûmeta Filistînê li zîaval Xezzeyê ragehand ku di rojên derbasbûyî de 58 filistînî ji ber kêmasiya xwarinê û 242 filistînî ji ber kêmasiya xwarin û dermanan jiyana xwe ji dest dane.
Li gorî gotina berpirsên beşa tenduristiyê û rêxistinên navneteweyî, 70 hezar zarok li Zîvala Xezzeyê ji ber dorpêça Rejîma Siyonîst ji kêmasiya xwarinê îza dibin. Nivîsgeha medyayê ya hikûmeta Filistînê li zîvala Xezzeyê got: Em Rejîma Siyonîst û welatên ku di jînosaydê de destê wan hebûne ji ber cinayetên hovane li zîvala Xezzeyê berpirsiyar dibînin.
Bi berdewambûna cinayetên Rejîam Dagirer li Xezzeyê rojnameyeke Îbrî ziman ragihand ku artêşa dagirker di hefteya borî de êrişî herî kêm 10 nexweşxane û navendan li zîvala Xezzeyê kiriye, ku di encamê de xebata wan hatiye rawestandin û zexteke zêde li ser pergala tenduristiyê li Xezzeyê kiriye. Her wiha, ji ber nebûna lênihêrîna xwarin û pizîşkî 26 nexweşên gurçikê jiyana xwe ji dest dane. Her wiha ji ber nebûna bi qasê pêwîst ya xwarinên zêdetirî 300 bûyerên kurtajê( li ber xwebirina zarokan) di nav jinên ducanî de hene.
Medyayên siyonîst ragihandine ku hin berpirsên vê rejîmê li xwe mikur hatine ku wan di şerê Xezzeyê de hemû rê ceribandine lê nekarîne tevgera Hamasê têk bibin. Ev di demekê de ye ku di rojên derbasbûyî de pevçûna di navbera hêzên berxwedanê yên filistînî û hêzên dagirker ên li Xezzeyê de berdewam dike û vê rejîmê li xwe mikur hatiye ku di encama vî şerî de hejmara qurbaniyên wê zêde bûne.
