Serokê Komara Îslamî ya Îranê bal kişand ser pabendbûna Komara Îslamî ya Îranê ser mafên gel di pêvajoya muzakiran de û ragihand: Muzakire bi tekeziya li ser serbilindî, mesilhet û serbilindiya welêt hatine destpêkirin û Dezgeha Dîplomasiya me dê qet ji mafên gelê Îranê paşde venekişe.

Mesûd Pizişkiyan di merasima roja neteweyî ya Pîşesazî û Madenê de bal kişand ser berxwedana gel û hilberîneran li himber zextên ji derve û got: Dijmin nekarîn armancên xwe bidest bixin û neçar man rêya gotûbêjê bigrin ber xwe. Wî yekitî û hevgirtina navxweyî sedema sereke ya vê serkeftinê da zanîn. 

Serokê Komara Îslamî ya Îranê her wiha bal kişand ser pêvajoya muzakiran û got: Komara Îslamî ya Îranê gav bi gav û li gorî berjewendiyên neteweyî bi pêşde çûye û bi hemû bêsoziyên aliyê himber, dê dev ji maf û berjewendiyên xwe bernede. Wî tekez kir ku hikûmet rêya xurtkirina berhemanîn, parastina yekitiya neteweyî û berevaniya ji berjewendiyên gelê Îranê bi hêz berdewam bike.