Reîsî: Koçberiya bi darê zorê ya xelkê Xezeyê di rojeva Amerîkayê de ye
Serokê Komara Islamî ya Îranê li Konferansa Navdewletî ya Têhranê derbarê Filistînê, koçkirina bi darê zorê ya xelkê Xezeyê di rojeva Amerîkîyan da zanîn.
Serokê Komara Islamî ya Îranê Seyd Îbrahîm Reîsî li Konferansa Navdewletî ya Têhranê derbarê Filistînê ragihand ku meseleya Filistînê ji bo cîhana mirovahiyê mijareke giring û bingehîn e û sîstema serdestxwaz dixwaze bi serdestiya xwe mafên gelê Filistînê ji nav bibe û guh nade qanûn û mirovantiyê.
Reyîsî bal kişand ser vê yekê ku divê Amerîka û siyonîst ji ber cinayetên xwe dijî mirovahiyê di dadgeha navneteweyî de bên mehkemekirin û destnîşan kir:
Çareseriya rawestana li berdagirkeriyê derxistina dagirkeran e, ya duyemîn mehkemekirina dagirkeran û ya sêyemîn jî dayîna xisaretê ji liyê dagirkeran e. Di hemû pîvanên hiqûqî de eva rêçareya rawestana li ber dagirkeriyê ye.
Serokê Komara Islamî ya Îranê derbarê xemsariya sazî û dezgehên navneteweyî yêndewekarê piştgiriya ji mafên mirovan li himber meseleya Filistînê dilgiraniya xwe nîşan da û destnîşan kir: 80 roj in Konseya Ewlehiyê bêdeng mayer û û nizane çi bike.
Reyîsî bi gotina vê yekê ku Amerîkiyan bi îdiaya damezrandina aşitiyê peymanên Camp David, Şerm el-Şêx û Osloyê îmze kirin û got: Rejîma Siyonîst zêdetir ji 400 biryar û daxûyaniyên navneteweyî binpê kirine û pabendî tu rêkeftinan nebûye.
