SAHAR

Mistefa Kazimî serokwezîrê Iraqê berêvara Yekşemiyê li Tehranê di gel Husên Emîr-Ebdullhaiyan wezîrê derve yê Îranê civiya.

Li gorî rapora IRAN Pressê, Di vê hevdîtinê da ku Fuad Husên wezîrê derve yê Iraqê û Muhemed Kazim Alê Sadiq balyozê Îranê li Bexdayê jî beşdar bûn, du aliyan derbarê mijarên dualî û navneteweyî gotûbêj kir.

Kazimî beriya şêwirîna tev Emîr-Ebdullahiyan, di gel Seyid Îbrahîm Reyîsî, Serokê Komara Îslamî ya Îranê jî civiyabû.

Kazimî di press konferansa hevpar tev Reyîsî da tevî amajeya bi peywendiyên dîrokî, çandî û dînî navbera Îran û Iraqê, peywendiyên welatê xwe bi Îranê raa gelekî girîng da zanîn.