Xetîbzade: Sersariya cîhanê bûye sebeb ku Rejîma Siyonîst bê astengî tev bigere
Berdevkê Wezareta karên derve ya Îranê got: Sersariya civaka cîhanî li hemberî destdirêjiyên berdewam ên rejîma siyonîst a dagirker li ser Sûriyê û binpêkirina aşkira ya hemû qanûn û rêzikên navneteweyî, bûye sebeb ev rejîm hefsarê xwe bibizdîne û di vî warî da wêratir bibe.
Li gorî rapora roja Sêşemiyê ya IRNAyê, Seîd Xetîbzade, Berdevkê Wezareta karên derve ya Îranê her wiha got: Piştgiriyên aşkira û nihênî yên rejîma serdest li Amerîkayê, roleke girîng di zêdebûna cesaret û bêşermiyên vê rejîma dagirker heye, bi awayekî ku ne tenê dagirkirina bilindahiyên Golana Sûriyê didomîne, belkî berdewam binesaziyên gel û dewleta Sûriyê dide ber êrîşên xwe yên asimanî û mûşekî.
Berdevkê Wezareta karên derve ya Îranê her wiha got: Hêza asimanî ya Rejîma Siyonîst di salên dawî da û di heyama qeyrana Sûriyê da bi giştî rola hêza asimanî ya komên terorîst li Sûriyê lîstiye û her dema ku artêşa Sûriyê û hêzên hevpeyman van koman tûşî şikestê tînin, derdem balefirên Rejîma Siyonîst dikevin tevgerê û êrîşên destdirêjkerane pêk tînin.
