Pirtûka "Rêzimana Kurdiya Pehleyî-Pehlewî" li Enistîtûya Zanistê ya Îlamê hat weşandin
Pirtûka "Rêzimana Kurdiya Pehleyî-Pehlewî" li Enistîtûya Zanistê ya Îlamê hat weşandin
Bi hewla Enistîtûya Zanistê ya Îlamê, Pirtûka "Rêzimana Kurdiya Pehleyî-Pehlewî" berhema Namdar Cabirî hat weşandin.
Li gorî rapora Kurd Pressê, Ev pirtûk wek yekemîn berhem devoka bi navê Kurdelî'yê şirove dike ku li bajarên Dêhloran, Abdanan, Pehle û Mêymeyê li başûrê parêzgeha Îlamê tê axaftin û gelekî zêde dişibe Kurdiya Kurmanciyê.
Nivîskarê berhemê, Namdar Cabirî ji lêkolerên jêhatî û pirrxebat ê dêhloranî û ji endamên sereke yên Enistîtûya Zanistê ya Îlamê ye û berhema xwe di qet'a Wezîrî da weşandiye.
Ev berhem ji aliyê Weşana Zayelleyê li Merîwanê û di 95 rûpelan da bi qasî 500 hebî û bi bihayê 50 hezar tomanî hatiye weşandin.
Ev pirtûk bi du zimanên farisî û kurdî ye û babetên rêzimanî weke kişandina lêkeran, kîte û kirpandina peyvan, rengdêr (hevalnav), cînavk, daçek, lêkerên Tebatî û hwd digire ber xwe.
Rênivîsa vê berhemê li gorî rênivîsa pêver û standard a kurdî ye.
Nivîskêr di dawiyê da ev encam wergirtiye ku Kurdiya Pehleyî sedî 80 di gel şaxeya sereke ya Kurdî, yanî Kurmancî hevpar e; Ji ber ku ji hêla dîrokî va jî eşîra resen a Kurdeliyê niştecihê Kurdistana Sûriyê ye.
