Xetîbzade: Gişt divê siyasîkirina werzîşê lome bikin
Berevkê Wezareta karên derve ya Îranê pêncşemiyê bi şev wek berteka li hemberî kiryara dijminane ya Amerîkayê û hevpeymaniyên ya boykotkirina dîplomatîk a Olempîka zivistanî ya 2022an a Pikenê, got: Gişt divê siyasîkirina werzîşê lome bikin.
Li gorî rapora IRIB Newsê, Seîd Xetîbzade, Berevkê Wezareta karên derve ya Îranê li twîterê tevî rexnekirina boykota dîplomatîk a Olempîka zivistanî ya Pikenê ji aliyê Amerîka û hevpeymanên wê va, hevgirtina Îranê di gel Çînê li hemberî kampaynaya xerabkirinê ya welatên rojavayî ragihand.
Xetîbzade di twîterê da nivîsî: Çi boykotkirina dîplomatîk a Olempîka zivistanî ya 2020î be û çi bêparkirina tîmên îranî ji bidestxistina çavkaniyên aborî, gişt divê siytasîkirina werzîşê lome bikin.
Berevkê Wezareta karên derve ya Îranê her wiha ragihand: Em bi meraq li benda beşdariya di van pêşbirkan da ne û hevgirtina xwe di gel Çînê ku ketiye ber armanca xerakirinê, diyar dikin.
