Rêvebirê IAEAyê û Wezîrê Karên Derve û Serokê Sazîya Enerjîya Atomî ya Îranê dê bicivin
Berdevkê Sazîya Ênêrjîya Atomî ya Îranê ragihand ku Rêvebirê Ajansa Navnetewî ya Ênêrjîya Atomî wê bi Wezîrê Karên Derve û Serokê Sazîya Enerjîya Atomî ya Îranê re bicive.
Bêhrûz Kemalwendî Berdevkê Sazîya Enerjîya Atomî ya Îranê ragihand ku Rafael Grossi Rêvebirê Ajansa Navnetewî ya Enerjîya Atomî yê Duşema bê seredana Têhranê bike û bi Mihemed Islamî Serokê Sazîya Ênêrjîya Atomî ya Îranê û Hisên Emîrebdullahîyan Wezîrê Karên Derve yê Komara Islamî ya Îranê re bicive û gotûbêjê bike.
Kemalwendî herwiha got: Ew seredana di çarçova hevkarîyên Îranê û IAEAyê da pêk tê.
Berî vîya Seîd Xetîbzade Berdevkê Wezareta Karên Derve ya Îranê jî basa seredana Girosî bo Tehranê kiribû. Xetîbzade herwiha got ku peywendîyên Îran û Ajansê tam têknîkî û pirofişinal in.
