Baqiriyê Kenî bi Alîkarê wezîrê derve yê Inglîzê ra civiya
Alîkarê siyasî yê wezîrê karên derve yê Îranê di dewama şêwirînên xwe yên dîplomatîk li Londonê, bi Alîkarê Beşa Rojhilata Navîn û Bakurê Afrîqayê yê Wezîrê karên derve yê Inglîsê ra civiya.
Li gorî rapora IRNAyê, Elî Baqiriyê Kenî, Alîkarê siyasî yê wezîrê karên derve yê Îranê roja pêncşemiyê tev Cêymz Klorolî, Alîkarê Beşa Rojhilata Navîn û Bakurê Afrîqayê yê Wezîrê karên derve yê Inglîsê li ava Wezareta derve ya Inglîzê civiya.
Du aliyan di vê civînê da mijarên dualî û pêwendîdar gotûbêj kirin.
Baqiriyê Kenî şeva derbasbûyî di serê taximekê da ji bo şêwirînên dîplomatîk derbasî Londonê bû û sibeha îro di gel pirsporên warê Îranê li ramangehên inglîzî û nûnerên komên fikrî civiya.
Li gorî bernameya ragihandî, Baqiriyê Kenî biryar e ku di gel çend kes ji rayedarên Wezareta derve ya Inglîzê bicive.
Mijarên dualî û gotûbêjên Viyenê ji wan mijaran e ku di destûrkara hevdîtîna Baqirî tev aliyên inglîzî da ye.
