Di salvegera cinayeta Amerîka ya ser balafira Airbusê de li ser şehadetgeha 290 rêwîyên wê gul hatin reşandin
Îro Şemî, 3yê Tîrmeha 2021-an, salvegera êrişa mûşekî ya keştiya amerîkî Vincennes ser balafira rêwiyan a Airbusa Îranê ye ku ji Bender-Ebas (başûrê Îranê) rabûbû û diçû Dubayê. Di encama wê de 190 rêwî şehîd bûn.
Li gor IRNAyê di salvegera şehîdkirina 290 rêwîyên balafira Airbusê de ku di 3ê Tîrmeha 1988an de bi du mûşekan ji hêla keştiyek cengê ya Amerîka ve hatibûn perçekirin û roxandin, îro merasimek bi beşdariya karbidestên Îranê û malbatên şehîdan li dar ket ku di encamê de cihê şehîdbûna rêwiyên îranî di nav avên Kendava Farisê li başûrê Îranê de hate gulreşandin.
Beşdarên vê merasimê diruşmeyên "Mirin ji Amerîka re" û "Mirin ji Îsraîl re" dema gulreşandinê ser cihên şehadeta rêwiyên Airbusê qiriyan û ev cinayeta şer û tawanên li dijî mirovahiyê yên Amerîkayê şermezar kirin.
Di 3ê Tîrmeha sala 1988an de, balafirek rêwiyan a Komara Îslamî ya Îranê bi du mûşekên keştiya cengî ya Amerîkî ya "Vincennes" li ser avên Kendava Farisî hate xistin, 290 rêwî û kedkarên vê balafira îranî di vê cinayeta Amerîkayê şehîd ketin ku ji wan 66 zarok û 53 jin bûn.
Piştî vê cinayetê, karbidestên Amerîkî sedemên dijber raber kirin daku vî sûcê nebaxşandî serast û pîne bikin û hewl dan ku vê tevgera bi dijminî wek şaşitiyekî mirovî bidin nasandin bikin, lê ji ber ku keştiya şer a Vincennes bi pergalên radarê yên herî pêşkeftî û kamputerên taybet dihat birêvebirin, qet îhtimala şaşitiyeke wiha tine, vêca mirov dikare bêguman kiryarekî wiha bi qesd û bidijminatî bizane.
