Wezîrê karên derve yê Îranê tevî diyarkirina mixabiniya xwe ji qewimîna erdhejê li Tirkiyê, hevxemiya xwe digel dewlet û xelkê vî welatî diyar kir.

Li gorî rapora Rêveberiya giştî ya Ragihandin û berdevkiya Wezareta karên derve, Wezîrê karên derve yê Îranê, Muhemed Cewad Zerîf di peyamekê bo Mewlûd Çawûşoxlû hevpîşeyê xwe yê tirkiyeyî, tevî diyarkirina hevderdiya digel dewlet û xelkê Tirkiyê, jibo birîndarên vê bûyerê hêviya tendurustiyê kir.

Zerîf her wiha amadetiya Komara Îslamî ya Îranê jibo alîkariya bo ziyandîtiyên erdhejê li Tirkiyê ragihand.

Li navçeya Seferîhîsar a girêdayî navenda Îzmîrê, saet 14,51'an, bi pileya 6.6 erdhejek dijwar pêk hat. Hat diyar kirin ku li gelek bajarên herêmên Ege û Marmariyê, erdhej hat hîskirin.

Ji ber vê erdhejê heta niha çar kes hatine kuştin û zêdetirî 150 kesî birîndar bûne.

Hejmareke zêde jî di bin kavilan da mane û bi dehan avahî wêran bûne.