Serperestê Rêveberiya Giştî ya Mîrata Çandî, geştyarî û Pêşeyên Destî ya Parêzgeha Kurdistanê got: Rûdana çandî ya 'Helperkê' ya şaristana Baneyê wek nehemîn rûdana geştyariyê ya Parêzgeha Kurdistanê, di asta parêzgehê de û li pêrista rûdanên geştyariyê yên Komara Îslamî ya Îranê da hat tomarkirin.

Serperestê Rêveberiya Giştî ya Mîrata Çandî, geştyarî û Pêşeyên Destî ya Parêzgeha Kurdistanê herwiha got: Festîvala Helperkê her sal di heyama 7 heta 9ê meha Xordadê (teqrîben ji 27 heta 29ê Gulanê) li Şaristana Baneyê tê lidarxistin û wek rêûrismeke çandî û geştyarî ya nasyar a xelkê Kurdistanê tê hesibandin.

Bi tomarkirina vê rûdanê, hejmara rûdanên geştyariyê yên tomarkirî yên Parêzgeha Kurdistanê gihîştiye 9 babetan: 

Du rûdanên navneteweyî yanî Rêûrisma daweta Pîr Şalya û Rêûrisma Komsayê

Çar rûdanên neteweyî: Cejna mezin a Newrozê ya Sineyê, Newroza Tengsîrê, Newroza Zivistanê û Festîvala Tûfiringiyê ya Sineyê li gundê Şiyanê

Du rûdan di asta parêzgehê da: Rêûrisma Hezardefê ya Pelenganê û Festîvala Helperkê ya Baneyê 

Û; rûdaneke xwecihî: Festîvala Tirî ya Hesen Avayê li Yasûkenda Bîcarê

Herwiha Festîvala Gulavgirtinê ya Baneyê jî di qonaxa tomarkirinê da ye.