Akterekî kurd ê îranî bi saya akterîya di fîlma “Şeb, Daxêlî, Dîwar” da xelata “başterîn akterê mêr” a Mêhrigana Fîlman a Ewrasyayê li Qazaqistanê bi dest xist.

Dewra Şanzdehan a Mêhrigana Fîlman a Ewrasyayê ji 12 heta 18ê Kanûnê li şarê Almaatîya paytexta Qazaqistanê hat lidarxistin û fîlma “Şeb, Daxêlî, Dîwar” a Wehîd Cellîwend di pişka pêşbirka sereke ya vê mêhriganê da hat nîşandayîn û di dawîyê da Nevîn Muhemedzade bi saya akterîya di vê fîlmê da xelata “baştirîn akterê mêr” bi dest xist.

Fîlma “Şeb, Daxêlî, Dîwar”ê di Dewra Heftê û Nehan a Mêhrigana Vênîzê da jî di pişka pêşbirkê da hatibû nîşandayîn û birêvebirên çend mêhriganên din ji wan Torontoya Kanadayê, Hambûrga Almanê, Bûsana Koreya Başûr û Cenay ya Hindê xwestine ku wê fîlmê nîşan bidin.