Kurtefîlma îranî bû berendama Baştirîn Fîlma Festîvala Entakiyeyê
Fîlma pêkenî ya "Kêr, Şokolat" berhema nivîskar û derhêner Hûşmend Wer'î bû berendama Baştirîn Kurtefîlma Experimental a dora dehem a Festîvala Navneteweyî ya Entakiyeya Tirkiyê.
Dora dehem a Festîvala Navneteweyî ya Entakiyeya Tirkiyê ji 14 heta 20ê Cotmeha 2022an tê lidarxistin û kurtefîlma Hûşmend Wer'î derhênerê îranî di qonaxa fînalê da dê digel fîlmên nûnerên Fransa, Çîn û Otrîşê bikeve rikeberiyê.
"Kêr, Şokolat" sêyemîn ezmûna çêkirina kurtefîlman a Hûşmend Wer'î bi qasî 16 deqîqeyan e. Wî pêştir kurtefîlmên "Bafirok dawînpakiyê nas nakin" û "Fîtikandina li bin avê" çê kirine.
"Kêr, Şokolat" berhema sala 2022an û kurtefîlmek e li dijî cihêkariya cinsiyetî ku hilweşiyan û bidawîhatina malbateke bêpîvan û neguncav şirove dike.
Hûşmend Wer'î pêştir di beşa pêşbirkê ya çend festîvalên navneteweyî da ji wan Mîlana Îtalyayê, Saint Petersburg'a Rûsiyê, Belgrada Sirbistanê, Zorîxa Swêsê, Stenbola Tirkiyê, Nayrobiya Kenyayê û Mombaya Hindistanê beşdar bûye.
