Amerîka vîzeyê neda endamên tîma neteweyî ya Tîr û Kevanê ya Îranê
Piştî astengiyên ji aliyê rayedarên Amerîkayê li hemberî werzişkarên îranî û nedana vîzeyê ji bo endamên tîma neteweyî ya Tîr û Kevanê ya Îranê, ev tîma Îranî nekarî beşdarî “World Games” (Lîstikên Cîhanî) bibe.
Tenê 3 roj piştî nedana vîzeya Amerîkayê ji bo endamên tîma neteweyî ya karateya Îranê, nûçeya nedana vîzeyê ji bo endamên Federasyona Tîr û Kevana Îranê jî hat weşandin.
Li gorî rapora Federasyona Tîr û Kevana Îranê, Federasyona Cîhanî ya Tîr û Kêvanê, du kotayên neguhêrbar dabû Îranê ji bo beşdariya di “World Games” de û bi vexwendina Federasyona Cîhanî, diviyabû "Gîsa Baybordî" û "Remazan Biyabanî" beşdarî van lîstikan bibin. di van lîstokan de, bi sedema berbendî û astengiyên Amerîkiyan vîze nehate dayîn û di pratîkê de derfeta beşdarbûna nûnerên Îranê di van lîstikan de nema.
Di vê rewşê de ye ku hemû tedbîrên ji bo wergirtina vîzeyê ji aliyê Federasyona Tîr û Kevanê ya Îranê ve hatine kirin û kevandarên Îranî dema çûne balyozxana Amerîkayê ya li Ermenîstanê li benda dayîna vîzeyê bûn.
Amerîkiyan sala derbasbûyî jî vîze neda “Elîreza Debîr” serokê Federasyona Guleşta Îranê û endamên tîma guleştê.
