Şanoya bi navê 'Serbaz' wê du rojan li Îzmîrê be
Lîstika Yenîsahneya Batmanê a bi navê "Serbaz" di çarçoveya tûrneya xwe de vê carê diçe Îzmîrê. Lîstik 28 û 29'ê gulanê li Îzmîrê li Navenda Çanda Nazim Hîkmet a Kemeraltiyê dê bê lîstin.
Li gorî nûçeya malpera Diyaname'yê, Lîstika "Serbaz" ku ji aliyê Hrîsto Boyçev ve hatiye nivîsandin Yakup Selîmoglu ew wergerandiye kurdî û derhêneriya wê jî kiriye.
Lîstik li cihekî ku şer dewam dike û ne diyar e ku der e derbas dibe. Li wir ne “derman, ne nivîn, ne çarşef û ne jî xwarin û vexwarin hene. Bûyer li manastireke kevin û xirabe ya ku kirine klînîka psîkatriyê derbas dibe.
Şeş dînên bê zimar ku ji bo nequfilin bi hev re li heman odeyê dîmînin û Dixtorekî qasî wan cuda li odeyê heye.
Di vê çîrokê de teşamevan dibînin ku mirovên “normal” biaqil, ji gel û çandên cur bi cur yên ku li Balkanan dijîn nikaribûn jiyaneke hevpar pêk bianiyana lê ev dîn hewld didin ku vê jiyanê pêk bînin. Çîroka "Serbaz" çiqas paranoyek û xeyalek be jî ew qasî jî trajîkomîk û gelekî balkêş e.
Lîstika Serbaz heta niha ji bilî Batmanê li hin bajarên din jî hat lîstin û niha jî li Îzmîrê derdikeve ser dikê.
Ev in hin hûrgiliyên vê lîstikê:
KUNYE:
SERBAZ
Tekst: Hristo Boyçev
Werger û Derhêner: Yakup SELÎMOGLU
LÎSTİKVAN: Erdal KAYA, Gulistan ŞAHÎN, Kenan DEMÎR, Mehmet SEVÎLGEN, Mennan ONCU, Murat KURHAN, Serdar BÎÇÎMLÎ, Yakup SELÎMOGLU
RONAHÎ / MUZÎK: Gokhan Ozdemîr
DEQOR / CIL Û BERG: Ayşe BULUT, Mehmet Sevilgen
REJÎ; Yenisahne
SÊWIRA AFÎŞÊ: Rênas KAYA
VIDEO: Erhan KARAHAN
BERPIRSÊ SEHNEYÊ: Mujdat ZENGÎN
Mafe: Perdeyek, 70 dq
Ziman: Kurdî
Dîrok: 28 - 29 Gulan 2022
Cih: Kemeralti Nazim Hikmet Kultur Merkezi
Anafartalar Cad. No: 20 OS-KA Pasaji Konak - Îzmîr
