Will Smith ji akademiya fîlmê istîfa da û got: "Dilê min şikestî ye"
Will Smith lîstikvanê Hollywood'ê ji Akademiya zanist û hunerên wêneyî ya Sînemaya Hollywood'ê istîfa da û got ku sîleya wî li Chris Rockê pêşkêşkar li ser dika merasima Oskara îsal "serhejîner, derdnak û bêhincet" bû.
Smith bi daxuyaniyekê ragihand: "Min xiyanet li pêbaweriya akademiyê kir. Min berendam û serketiyên din ji derfeta şahî bikin û ji bo karên xwe yên bêhempa bên xelatkirin û qedrgirtin, bêpar kirin. Dilê min şikestiye."
Wî got: Vêca ez ji endamtiya li Akademiya Zanist û Hunerên Wêneyî isstîfa didim û hemû dûhatên ku taxima rêveberiyê guncav bibîne, dipejirînim."
Will Smith di merasima yekşemiya derbasbûyî ya Oskarê piştî ku Chris Rockê pêşkêşkar henekek derbarê şikl û bejna hevjîna Smith anî ziman, bi lez û pêngavên bilind çû ser dikê û sîleyek avête bin guhê Rockî.
Mijara istîfaya Smithî biryar e ku di civîna tê ya taxima rêveberiyê di 18ê Nîsana 2022an da were gotûbêjkirin.
