HPG: Êrişên artêşa Tirkîyê didomin û xwofirr sîxorîyê dikin
Navenda Ragihandin û Çapemenîyê ya HPG ragihand ku êrişên artêşa Tirkîyê ser hêzên me didomin û di vê mehê da xwofirran jî bi berfireyî li esmanê herêmên Zap, Metîna, Xakurk, Gare û Qendîlê gerîyane û sîxorî kirin.
HPGê herwiha aşkira kir ku di 9ê Tebaxê de artêşa Tirkîyê hewl da li cihekî nû li Serê Metînayê ya herêma Metîna bi cih bibe û bi çekên giran bombe li tunelan barandin.
Di dewama daxûyanîya HPG da hatîye: Di 11ê Tebaxê jî Qada Deşta Kafyayê ya herêma Gareyê 5 caran bi çekên giran hatiye bombebarankirin. Di 18 û 19ê Tebaxê da jî Girê Baharê ya li rojavaya Zapê 3 caran bi çekên giran hat bombekirin.
HPGyê ragihand ku di navbera 8 û 31ê Tebaxê de jî dronên biçek û bêçêk) bi rengekî zêde li ser herêmên Zap, Metîna, Xakurk, Gare û Qendîlê geriyan û hewla keşf û sîxorîyê dan.
