Ragehandina bidawîbûna têkoşîna çekdarî dijî hikûmeta Tirkiyê ji aliyê Ocalan ve
Ebdullah Ocalan, rêberê girtî yê PKK di peyameke vîdyoyî de bidawîbûna têkoşîna çekdarî ya partiya xwe ragihand.
Di pêvajoya lihevkirina Ocalan û hikûmeta Tirkiyê de, Ebdulla Ocalan rêberê PKKê yê girtî îro di peyameke vîdyoyî de ragihand: Têkoşîna çekdarî himber Tirkiyê re bi dawî bûye û berdewamiya têkoşîna çekdarî dê rastî astengiyê were. Di vê vîdyoyê de ku wer tê xûyanê di 19ê Hezîranê de hatiye tomarkirin, wî gotiye: Divê ev çek bi eşkereyî werin danîn û ev peyam divê ji rayedarên peywendîdar û raya giştî re were ragihandin da ku şik û gumanên raya giştî ji holê rabin û rasitiya berpirsiyariya me were piştrastkirin û wî girêdayîbûna çekdanîna PKKê bi şertê berdana xwe ra red kir û got: Min baweriya xwe bi hêza siyasetê û aştiya civakî heye ne bi çekan; û ez bang li we dikim ku hûn jî vê xalê pêk bînin.Di vê peyamê de, Ocalan bang li parlemana Tirkiyê kir ku komîteyek fermî jibo çavdêrî û pêşdebirina demajoya aşitiyê ava bike. Ocalan her wiha got: Têperbûna xwebexşane ji qonaxa têkoşîna çekdarî ber bi siyaseta demokratîk ve destkeftiyek dîrokî ye ji bo tevahiya gelê Tirkiyê.
