Berteka Dozgeriya Enqerê bo gotinên bi helalhella ên serokê CHP
Piştî gotinên tund ên serokê Partiya Komarîxwaz a Gel (CHP) derbarê girtina şaredarên metropolan lêpirsînek lezgîn li dijî wî hatine destpêkirin.
Dozgeriya Enqerê ragihand ku piştî axaftina bi hellahela ya Ozgûr Ozel serokê CHP dozek dijî wî hatiye vekirin û di vî warî de lêpirsînek fermî hatiye destpêkirin. Di vê dozê de, Ozel bi handana mirovan bo sûcan û heqaret û gefxwarina dijî karmendên hikûmetê di dema erkdariyê de hatiye tawanbarkirin.
Serokê CHP di bersiva girtina şaredarên metropolên Edene, Adiyaman û Antalyayê de, bi tundî xitabî partiya desthilatdar a bi serokatiya Erdogan got: Heke hûn bi rastî partiya yekem in, werin pêş. Tirsonek! Heke hûn bi rastî partiya yekem a Tirkiyê ne, hûn ê bi serê xwe bikevin hilbijartinan!
Ozgûr Ozel hişyarî da serokên AKP û got ku tiştê ku niha li kolanan diqewime tenê proveyek e lê di demek nêzîk de hûn ê fîlma tirsnak jî bibînin.
