Girtina şaredarê Stenbolê û bijareyên li ber destê Erdogan
Girtina şaredarê Stenbolê. Ekrem Îmamoglû ji aliyê sîstima dadweriya Tirkiyê ve, pirsgirêkeka cidî ji bo desthilatdariya vî welatî pêk aniye ku çareserkirina wê bi çareserkirina mesela Kurdan û gotûbêjên aştiyê bi PKK`ê re tevlî hev bûne.
Erdogan û partiyên netewparêz ên hevgirtiyê wî, tevî hewldanên van çend dehekên buhurî ji bo berçavnegirtina kurdên vî welatî, ji nişkêve behsa biratiya Kurd û Tirkan li Tirkiyê û mafê beşdariya wan li birêvebirna karûbarên welêt dikin. Lê alûgorên çend rojên buhurî yanî girtina Ekrem Îmamoglû, şaredarê Stenbolê û rikeberê sereke yê Erdogan di hilbijartinên tê yên serokomartiyê, kivş dike ku armanca sênariyoya sereke ya AKP û MHP`ê têkdana hevsengiya desthilatê di nava Tirkiyê de û tecrîda CHP`ê bûye ji ber ku ji dema hilbijartinên Mclisê di sala 2019`an de heta nika, CHP yanî partiya Ekrem Îmamoglû, hevgirtiyên kurdên Tirkiyê bûye. Bi berçavgirtina giranbûna pevçûnan û berfirehbûna xwenîşandana di navbera polîsê Tirkiyê û alîgirên Îmamoglû, du bijareyên muhtemel li bara çarenivîsa alogorên vê dawiyê yên Tirkiyê hene:
Îhtimala yekem: Eger Erdogan û hikûmeta Enqerê bikaribin bi hevhatina Ocalan di dahatiya nêz de, PKK`ê razî bikin ku kongirê li dar bixe û xwe hilweşîne û çekan dayîne û di nav welêt da jî parlimanterên Kurd ên DEM partiyê bi çiraya kesk a Ocalan, ji bo rêforma qanûnê tevlî hevgirtiyên AKP û MHP`ê bibin, DEM Partî di piratîkê de ji hevalbendiya CHP`ê derdikeve û opozosiyona Tirkiyê wê têk here û dibe ku Ekrem Îmamoglû wek Demirtaş û Ocalan bixwe, salên dirêj di hebsê de bimîne.
Îhtimala Duyem demekê xurt dibe ku xwenîşandanên li Tirkiyê girantir bibin û di rojên dahatî de jî berdewam bin. Pêkhatina pirsgirêkên ewlehî û siyasî li Tirkiyê ku di rewşa aborî ya herî qeyranî ya deheka vê dawiyê de ye, dikare komên din ên wek Kurdan jî ber bi kolanan ve kaş bike û aloziya li Tirkiyê berfirehtir bike.
