Tirkîye û Pakistanê çend rêkevtiname wajo kirin
Di dema seredana Serokomarê Tirkîyê ya Pakistanê da, her du alîyan 24 rêkevtiname ji wan peymana xurtkirina hevkarîyên istiratejîk wajo kirin.
Receb Teyyîb Erdogan Serokomarê Tirkîyê îro digel desteyeke pillebilind a sîyasî û aborî gihîşt Islambada Pakistanê û ji hêla Serkomar û Serokwezîrê vî welatî va hat pêşwazîkirin.
Civîna fermî ya Serokomarê Tirkîyê û Serokwezîrê Pakistanê û desteyên her du welatan li Islambadê ser navê ``civîna heftan a Konseya Bilind a Hevkarîyên Istiratejîk`` hat lidarxistin û serokên her du welatan peymana xurtkirina hevkarîyên istiratejîk wajo kirin.
Medyayên pakistanî vê dawîyê ragihandin ku proja hevpar a hêza hewayî ya vî welatî û ya Tirkîyê ji bo çêkirina balafirên cengê yên nivşa pêncan nasyar bi TF-X di destûrkara her du welatan da cî girtîye.
