Şiroveya Fexredîn Koca derbarê qeydnekirina zimanê kurdî li ser sîstema elektronîk a Wezareta Tendrustiyê ya Tirkiyê
Fexredîn Koca ragihand ku 5 zimanên biyanî ji bo geştyar û nexweşên biyanî li sîstema elektronîk hatine zêdekirin.
Wezîrê Tenduristiyê yê Tirkiyê Fexredîn Koca duh li ser hesaba xwe yê medyaya civakî ragihandibû ku zimanên Îngilîzî, Almanî, Erebî, Fransî û Rûsî li sîstema elektronîkê zêde kirine.
Nebûna Kurdî di nav wan 5 zimanên ku li ser sîstema elektronîk hatine zêdekirin, bû sedema nerazîbûnan.
Koca ragihand ku ew 5 ziman ji bo nexweşên biyanî û geştyaran hatine zêdekirin û got:
Ji bo nexweşên li Tirkiyeyê jî zimanê Tirkî hatiye hilbijartin.
Duh Partiya Demokratîk a Gelan a Tirkiyê, HDP wek berteka li himber paşguhkirina zimanê Kurdî di sîstema nû ya xizmetguzariya elektronîk ya Wezareta Tendirustiya Tirkiyê de, ji Wezîrê kurdziman ê hikûmeta AKPê pirsî ku çima hûn li hember vê xemsariyê bertek nîşan nadin?
