Paşdexistina berhemanîna xwefirên Tirkiyê li UKraynê
Berhemanîna xwefirên Tirkiyê li nav axa Ukraynê ji ber şerê vî welatî û Rûsiyê paşde ket.
Biryar bû Tirkiye û Ukrayn, berhemanîna xwefirên bayrakdar li axa vî welatî heta dawiya îsal destpê bikin.
Wasîlî Bodnar, Balyozê Ukraynê li Tirkiyê gotibû ku berhemanîna van xwefiran dê beriya kutabûna sala 2023-an destpê bibe.
Halûk Bayraktar, Rêveberê Şîrketa Bayrakdar a Tirkiyê bêyî ku tu şiroveyekê derbarê hegera paşdeketina berhemanîna xwefirên TB-2 û balefirên Akîncî li axa Ukraynê bide,ragihand ku berhemanîna van xwefiran dê di sala 2025-an destpê bibe.
Halûk Bayrakdar destnîşan kir, karên sereke yên karistanê di halê cihhatinê de ne û heta Hezîranê dê hêzgeha karebayî ya wê amade bibe lê Bûdnar vê dawiyê ragihand ku ji ber şêr bernameyên seretayî yên çêkirina vê karistanê guherîne.
Artêşa Ukraynê hejmarake nediyar a xwefirên bayrakdar hene lê artêşa Rûsiyê bi weşandina vîdyoyên ketina xwefirên bayrakdar, ev xwefirên Tirkiyê weke armancên hêsan li esmîn dane zanîn.
