Serokatiya Komîsyonên Pisporiyê yên Parlemana Tirkiyê radestî hevalên Erdogan bû
Wezîrên berê yên Kabîneya Receb Teyib Erdogan û nunerên Partiya Dad û Geşepêdanê, AKPyê, serokatiya hemî komîsyonên pisporiyê yên parlemana Tirkiyê girtin destê xwe.
Di dewama guhertin û alûgurên di beşa rêveberiyê yên di encama hilbijatinên vê dawiyê yên parlemana Tirkiyê de, duh çarşemiyê, hilbijartinên nvxweyî bo kivşkirina serokên komîsyonên pisporiyê yên parlemana neteweyî ya Tiriyê hatin lidarxistin.
Li gor vê raporê, di dengwergirtina di nava parlemana Neteweyî ya Tirkiyê de, Xilûsî Akar, Wezîrê Berevaniyê yê berê yê Tirkiyê wek Serokê Komîsyona Berevaniya Neteweyî û Sulêyman Soylû Wezîrê Karên Navxwe yê berê yê vî welatî jî wek Serokê Komîsyona karûbarên Navxweyî yên parleman Tirkiyê hatin bijartin.
Heftiya buhurî jî Neman Kûrtûlmûş, Alîkarê Receb Teyib Erdogan di AKP yê ku ji lîsteya vê partiyê yê bajarê Stenbolê derbasî nav parlemanê bûye, wek serokê dwrereya 28 ê ya parlemana neteweyî ya Tirkiyê hat bijartin.
