Nerazîtiyên li hemberî serdana Akar ji yekîneyên ser sînorê Iraqê
Wezîrê berevaniyê yê Tirkiyê di halekî da hevrê digel fermandarên artêşê serdana yekîneyên ser sînorê Iraqê kir; ev serdan tûşî rexne û bertekên rayedarên Bexdayê û civata navneteweyî derheq tevgerên neqanûnî yên artêşa Tirkiyê li ser sînorê Sûriye û Iraqê bûye.
Xulûsî Akar roja Yekşemiyê hevrê digel fermandarên hêzên bejahî, deryayî û asimanî yên artêşa Tirkiyê derbasî balefirgeha Selahedînê Eyûbî li bajarê Geverê bû û piştî wê serdana Navenda Fermandetiya Leşkera 3an li ser sînorê Iraqê kir.
Lêgerînên wezîrê berevaniyê yê Tirkiyê û fermandarênm artêşa wî welatî ji yekîneyên ser sînorê Iraqê hema wisa didomin.
Tirkiyê di dewama êrîşên xwe li ser Sûriye û Iraqê da vê dawiyê bi behaneya serkutkirina PKK'yê operasiyoneke neqanûnî bi navê Pence-Şûrê li bakûrê Iraq û Sûriyê dest pê kiriye.
Tirkiyê di salên dawî da bi behaneya serkutkitina hêzên PKK'yê gelek navçeyên Iraq û Sûriyê dagir kirine û karzan vê kiryara Tirkiyê di çarçoveya xeyala Erdoxan a vejiyandina empratoriya Osmaniyan û serdestiya li ser navçeyên neftzêm ên Iraq û Sûriyê da dinirxînin.
