Li Enqerê 9 rojnamevan hatin girtin
Di çarçoveya lêpirsîna Serdozgeriya Komarê ya Enqerê dabû destpêkirin de 9 rojnamevan ji ber nûçeyên ku çêkirine hatin girtin.
Dadgehê derbarê 9 rojnamevanên Kurd de ku xebatkarên Ajansa Mezopamyayê û JinNewsê ne û roja 25ê Cotmehê hatibûn binçavkirin, biryara girtinê da.
Hêzên ewlehiyê yên Tirkiyê roja Sêşemê 25ê Cotmeha 2022yan di çarçoveya lêkolîna Serdozgeriya Komarê de 11 rojnamevan û karmendên Kurd ên ajansên Mezopotamya û JinNewsê binçav kiribûn.
Duh 28ê Cotmeha 2022an rojnamevan ji bo dadgehkirinê bo Enqerê hatibûn birin û rûniştina doza wan li Dadgeha Enqerê hat dîtin.
Şeva borî, Dadgeha Cezayan a Enqerê ji ber nûçe, parvekirinên medya civakî û hinek serdanên wan biryara girtina 9 ji wan rojnamevanên Kurd da.
Rojnamevanek jî bi mercê kontrola dadî hat azadkirin û qedexeya derketina derveyî welat li ser wî hat sepandin.
