Li Tirkiyê 1,5 milyon keç ji xwendinê bê par in
Seroka Komeleya Piştgiriya Jiyana Hemdem (ÇYDD) Prof. Dr. Ayşe Yuksel dibêje, niha li Tirkiyê zêdetirî milyonek û nîv zarokên keç ji xwendinê bê par in.
Li cîhanê roja 11ê Cotmehê wek roja zarokên keç tê qebûlkirin. Bi boneya vê rojê Seroka Komeleya Piştgiriya Jiyana Hemdem (ÇYDD) Prof. Dr. Ayşe Yuksel di derbarê parastina mafê zarokan û bi taybet zarokên keç de ragihandiye, Li Tirkiyê 866 hezar zarokên keç ji çûna dibistanê û xwendinê bê par in.
Ew dibêje, aliyê herî bi êş jî ew e her ku asta xwendinê bilind dibe ev hêjmar jî zêdetir dibe.
Ayşe Yuksel diyar kiriye, zarokên keç yên di temenê dibistana seretayî de ku ji xwedinê bêparin 195 hezar kes in, di dibistana Navîn de ev hêjmar digihe 298 hezar kesî û di dema dibistana Amadeyî yan Lîseyê de jî hêjmara keçên ku naçin dibistanê digihe 373 hezar keçan.
Bi giştî zarokên keç ên nikarin biçin dibistanê 866 hezar kes in.
Ayşe Yuksel dibêje, dema ew keçên ku ji derve jî dixwînin li vê hêjmarê bên zêdekirin ji milyonek û nîvê zêdetir zarokên keç li Tirkiyê ji xwendinê bê par in.
