Desteya Şêwrê ya HDPê li Stenbolê civiya
Desteya Şêwrê ya Partiya Demokratîk a Gelan a (HDP) ku di 5emîn Kongreya Mezin a Asayî ya HDPê de hatibû damezrandin, li bajarê Stenbolê civiya. Hevserokên HDPê Mîthat Sancar û Pervîn Buldan jî beşdarî civînê bûn.
HDPê 3ê Temûza 2022ê di 5emîn kongreya xwe mezin a asayî ya li Stenbolê de Desteyeke Şêwrê ku 43 keseyatên hunermend, nivîskar, siyasetmedar û akademîsyen damezrandibû. Li gor zanyariyan 43 endamên wê desteyê îro 8ê Cotmeha 2022ê li bajarê Stenbolê yê Tirkiyê civiyan.
Hevserokên HDPê Mîthat Sancar û Pervîn Buldan jî beşdarî civînê bûn. Di vê civînê de derbarê kar û xebatên Desteya Şêwrê, siyaseta HDPê ya serdema nû û hevpeymaniyên ku HDP beşdarbûne, gotûbêj hatin kirin û nexşerêyeke karkirinê bo wê desteyê hat diyarkirin.
Siyasetmedarên Kurd Ahmet Turk û Sirri Sakik, Parlamenterê berê yê HDPê Sirri Sureya Onder, helbestvan Ahmet Telli û dîroknas Tarik Ziya Ekîncî ji navên diyar in ku di Desteya Şêwrê ya HDPê de cih digirin.
