Civîna serokên Tirkiye, Ermenistan û Komara Azerbaycanê
Serokomarên Tirkiye û Azerbaycanê ligel Serokwezîrê Ermenistanê duh (pêncşemê) li Komara Çek civiyan û bi hev re gotûbêj kirin.
Li gorî rapora ajansa nûçan a TASS`ê, serokomarê Tirkiyê Receb Teyib Erdogan, serokomarê Azerbaycanê Îlham Aliyev û serokwezîrê Ermenistanê Nîkol Paşînyan di civîna bilind a Yekîtiya Ewropayê de li ser şer û pevçûnên vê dawiyê yên di navbera Bakû û Êrîvanê de gotûbêj kirin.
Zanyariyên zêdetir derbarê vê civîna sê alî de nehatin weşandin.
Ev yekem hevdîtin û diyaloga rasterast bû di navbera berpirsên Êrîvan û Bakûyê de piştî şer û pevçûnên dawî yên sînorî di navbera her du welatan de.
Di dewra nû ya pevçûnên sînorî yên di navbera Ermenîstan û Komara Azerbaycanê de (ji 12 heta 14 Îlonê), li gorî diyarkirina Yêrêvanê 135 leşkerên ermenî hatin kuştin.
Bakûyê jî hejmara kuştiyên Komara Azerbaycanê di van pevçûnan de 79 leşker ragihandibû.
