Qanûna Hîcabê li Tirkiyê bûye mijara gengeşeya CHP û partiyên desthilatdar
Gotinên vê dawiyê yên Kemal Kilîçdaroxlû serokê Partiya Komarîxwaz a Gel (CHP) ya Tirkiyê derbarê hîcaba jinan, dengvedaneke berfireh li medyayan pêk anî.
Rojnameya Yeni Şafak’ê, Rêberê CHP’yê ku vê dawiyê dixwaze bala malbatên alîgirê Îslamê li Tirkiyê bikişîne û wan ji Erdoxan veqetîne, vê dawiyê gotiye: Li gorî naveroka ron û aşkira ya Qanûna Bingehîn a me, xebitîna jinên bi hîcab li rêveberiyan wek kedkar qedexe ye. Divê herî zûtir ev qanûna cihêkarane were rakirin. Em ê pêşnumayekê bidin parlimanê ku ti kesek di ti rêveberî û saziyekê da nekare astengiyê ji bo jinên bi hîcab derxîne.
Dewlet Baxçelî rêberê Partiya Hereketa Neteweyî (MHP) û hevparê Erdoxan di Hevpeymaniya Komarê da, rêberê CHP’yê bi neçêbikaranîna hestên dînî yên gel tawanbar kir û ragihand ku aniha jî karê ti kesî bi hîcaba jinan neketiye û pêwîst nîne tu dilê xwe seba vê yekê bişewitînî.
