Wezîrên berevaniyê yê Tirkiye û Rûsiyê axivîn
Wezîrên berevaniyê yên Tirkiye û Rûsiyê derbarê alûgorên bakurê Sûriyê û derfirotina dexl û danê ji Ukraynê axivîn.
Li gorî rapora IRIB Newsê, Xulûsî Akar û Sêrgêy Şoygo wezîrên karên derve yên Tirkiye û Rûsiyê di gotûbêja telefonî da derbarê îhtimala avakirina korîdorekê ji bo derfirotina dexl û danê ji Ukraynê axivîn.,
Wezîrên berevaniyê yên Tirkiye û Rûsiyê her wiha derbarê alûgorên bakûrê Sûriyê axivîn.
Akar di vê gotûbêjê da ragihand: Enqere dê bersiva pêwîst bide kiryarên nearamker li navçeyê (bakûrê Sûriyê) û hebûna hêzên PKKyê li navçeyê napejirîne.
Akar û Şoygo her wiha tevahiya kiryarên derbarê veguhestina dexl û danê, gulberoj û berhemên din ên cotkariyê ji Ukraynê vekolandin.
Mewlûd Çawûşoxlû û Sêrgêyî Lavrov wezîrên derve yên Tirkiye û Rûsiyê roja Çarşemiyê li Enqerê dê bicivin û derbarê alûgorên Sûriyê û hewildanên ku bi sergêriya NY ji bo vekirina korîdoreke ewleh ji bo veguhestina barên dexl û dana Ukraynê pêk tên bişêwirin.
