Dibe ku Ermenistan beşdarî Konferansa Tirkiyê nebe
Serokê Komîsiyona Pêwendiyên derveyî ya Meclîsa neteweyî ya Ermenistanê beşdariya tekûz a vî welatî li konferansa Analyaya Tirkiyê red kir.
Li gorî rapora malpera Radyoya gelemperî ya Ermenistanê, Êdward Aqacaniyan, Serokê Komîsiyona Pêwendiyên derveyî ya Meclîsa neteweyî ya Ermenistanê got: Aniha biryara herî dawî derbarê beşdariya Yêrîvanê li konferansa dîplomatîk a Analyayê li Tirkiyê tuneye.
Ev di halekî da ye ku Mewlûd Çawûşoxlû wezîrê derve yê Tirkiyê beriya vêya ragihandibû ku Ararat Mîrzûyan wezîrê derve û Robin Robîniyan nûnerê Ermenistanê di warê Tirkiyê da dê beşdarî vê komcivîna dîplomatîk bibin.
Konferansa dîplomatîk a Analyayê dê ji 11 heta 13ê Gulana 2022an were lidarxistin. Di vê konferansê da dê derbarê rewşa Qefqaza Başûr jî behs were kirin.
