Şêwaza Erdogan ji bo girtina pêşiya daketina nirxê lîreyê tirkî
Serokomarê Tirkiyê ji bo rê li ber daketina nirxê diravê netewî bigire, stratejiyek ji bo qerebûkirina ziyanên xelkê pêk anî.
Li gorî ragihandina klûba nûçegihanên ciwan ên Îranê, Serokomarê Tirkiyê Receb Teyib Erdogan roja Duşemê piştî civîna bi endamên kabîneya xwe re ragihand ku xelk teşwîq dike ku depoyên xwe yên bankî bi lîreyê bihêlin. Ger nirxa diravê neteweyî ya li hember diravên biyanî ji rêjeya faîza bankî kêm bibe, dê hikûmet bi lîre tezmînat bide xwediyên depoyan û ziyanên wan wê qerbû bike.
Piştî ragihandina vê biryara nû, daketina nirxê lîre rawestiya û %15 zêde bû.
Fikarên li ser daketina zêde ya nirxê diravê Tirkiyê, gelê Tirkiyê neçar kir ku diravê xwe veguherîne dolar.
Ji êvara roja duşemê ve 18,4 lîre bi dolarek dihat firotin, lê piştî demek kurt pereyê neteweyî yê Tirkiyê ji sedî 25 bilind bû û her 13,5 lîre bi dolarek tê firotin. Îro li bazarên diravê Tirkiyê her 11,3 lîre bi dolarek tê guhertin.
Lê îsal bi berdewamî daketina nirxê lîre li hember dolar û buhabûna %21.7 ji bo xelkê vî welatî bûye sedema gelek pirsgirêkan.
Gelê Tirkiyê li dijî pirsgirêkên aborî gelek caran nerazîbûn nîşan da.
