Rojname û Weşanên Tirkî: Hem kredîta pere û hem jî kredîta welat winda bûn
Îro rojnameyên Tirkiyê li ser kirîza aborî ya Tirkiyê nivîsîn: hem kredîta pere çû hem jî kredîta welat ..
Li gorî rapora ajansa nûçan a Tasnim`ê, piştî ku serokkomarê Tirkiyê Receb Teyib Erdogan roja yekşemê li lûtkeya Tirkiyê û Afrîqayê li Stenbolê, dîsa soz da ku "Zû yan dereng wê enflasyonê kêm bike.” Krîza aborî û enflasyon bû manşeta piraniya rojnamên îro yên Tirkiyê.
Rojnama Cûmhûriyetê nivîsî: Malnişînên nerazî ji ber pêwîstiya wan bi nan meşiyan.
Sûzjû jî nivîsiye: Milet di rêza nanê erzan de, hem kredîta pere û hem jî kredîta Tirkiyê çû.
Li gorî Rojnama Millî Gazete, enflasyon li Tirkiyê %100 e.
Yeni Çağ jî nivîsiye ku erdheja Lîreya Tirkî li Qibrisê û sûcê revîna zanyar û aqilmendan ji welêt li ustiyê AKPê ye.
Rojnama Kirar herwiha nivîsiye: Cehalet bi rêxistin bûye, tenêtiya Tirkiye di cîhana Îslamê de.
Rojnama Yenî Asya jî derbarê meşa karker û teqawîtbûyiyan li Tirkiyê nivîsiye û wiha diyar kiriye: Dewlet welat ber bi îflasê ve dibe.
Lîreyê Tirkî ji destpêka meha Mijdara îsal ve nêzî ji sedî 40 daketiye û hîn tirsa daketina zêdetir heye.
