Fezlekeyên derbarê Buldan û 12 parlamenteran pêşkêşî parlamentê hat kirin
Fezlekeyên rakirina parêzbendiyê yên di derbarê 13 parlamenteran de ku Hevseroka Giştî ya HDP'ê Pervîn Buldan jî di nav de ye pêşkêşî parlamenta Tirkiyê hat kirin.
16 Dosyayên rakirina parêzbendiya 13 parlamenteran ku di nav wan de Hevseroka Giştî ya Partiya Demokratîk a Gelan (HDP) û Parlamentera Stenbolê Pervîn Buldan jî heye, gihîştin parlamenta Tirkiyê.
Di nav 16 dosyeyên fezlekeyê de du ji wan yên Pervîn Buldan in.
Parlamenterên din ên ji bo wan fezleke hatine amadekirin wiha ne:
Ji bo parlamenterê HDPê yê Wanê Murat Sarisaç 3 û ji bo her yek parlamenterê Agiriyê Berdan Ozturk, parlamenterê Dêrsimê Alîcan Onlu, parlamenterê Rihayê Omer Ocalan, parlamentera Amedê Remziye Tosun, parlamenterê Wanê Sezai Temelli, parlamentera Amedê Dersim Dag, parlamenterê Amedê Îmam Taşçier, parlamentera Êlihê Feleknaz Uca, parlamentera Mêrsînê Fatma Kurtulan, parlamenterê Sêrtê Siddik Taş û parlamentera BDPê ya Amedê Salîha Aydenîz 1 dosyeyên parêzbendiyê hene.
16 dosyayên parêzbendiyê yên der barê 13 parlamenteran de radestî Komîsyona Têkel a Destûra Bingehîn-Edaletê hatin kirin.
