Li Tirkiyê di 10 salan de 19 hezar kesan xwe kuştine
Li gorî daneyên fermî yên Tirkiyê, di 10 salan de li vî welatî ji ber xemgînî û bêhêvîtiyê nêzî 19 hezar kesan (rojane 6 kes) xwe kuştine.
Li gorî malpera El-Eyn, wezareta tenduristiyê ya Tirkiyê bi daxuyaniyekê da zanîn ku li welêt di 10 salan de nêzî 19 hezar kesî xwe kuştiye.
Di daxuyaniya wezareta tenduristiyê de hate gotin di navbera Çileya 2010`an û heta Çileya 2019`an de, li Tirkiyê 18 hezar û 772 kesan xwe kuştiye.
Her wiha hate destnîşankirin ku ji hejmara giştî ya kesên xwe kuştine, hezar û 190 kesên ku xwendina xwe di zanîngehan de bidawî kirine û 853 xwendekar in û diyar kir ku di wan salan de, salane nêzî hezar û 887 kesan (rojane 6 kesan) xwe kuştine.
Mûxalîf Walî Agbaba der barê daxuyaniya wezareta tenduristiyê de got: "Hemû bûyerên xwekuştinê bi awayekî yekser girêdayî rewşa bêhêviyê ye ku AKP`ê ava kir."
