Li Qonyayê li hember malbatekî kurd êrîşeke nijadperestî pêkhat: 7 kes hatin kuştin
Li navçeya Meram a Qonyayê ya Tirkiyê malbata kurd a ji Qersê ya Dedeogullari roja 12ê Gulanê rastî êrîşeke nijadperestî hatibû û heman malbat careke din rastî êrîşê hat û 3 jê jin 7 kesan di vê êrîşê de jiyana xwe ji dest dan û êrîşkaran mal jî dan ber agir.
Bûyer duh 30.07.2021ê li şeqama Ozşahîn a taxa Hasankoy a navçeya Meram a Konyayê pêkhat. Grubekî ku berê xwe wek nijadperestên tirk dane nasandin ji malbatê re gotine; ‘’Em ulkucî ango nijadperestên tirk in û em we li wan deveran nadin jiyan kirin’’ û êrîşî malbatê kirine û di wê êrîşê de 3 jê jin, 7 kesan jiyana xwe ji dest dan û piştre jî mal şewitandine. Piştî bûyerê wesayîtekî ku li cîhê bûyerê derketiye lêgerîna wê berdewam dike.
Parêzerê wê malbatê Abdurehman Karabulut li ser twitterê ragehand: ‘’Kesên ketî û ne mirov malbata ku ez parêzerê wan bûn qetil kirin, me gelek caran hişyarî da. Lê 3 jê jin, bi giştî 7 kes qetil kirin.’’
Hat ragehandin malbata Dedeogullari 24 sale li Hasankoy jiyan dikin û ên ku êrîş pêkanîne jî 15 sale li heman taxê ne. Kesên ku jiyana xwe ji dest dane navên wan waha ye: Yaşar, Bariş, Serpîl, Serap, Îpek, Metîn û Sîbel Dedeogullari.
Hêjayê gotinê ye van salan ji ber siyast û propagandeyên hikûmeta AKP-MHPê nijadperestiya tirkî li Tirkiyê her diçe berfire dibe û hikûmet jî ti kareke cidî li hemberî vê yekê û nijadperestên ku heya niha bi dehan kurd çi jin û çi jî mkêr an zarok kuştine nake.
