Erdoxan: Biryara dadgeha Ewropayê riyakarane ye
Serokomarê Tirkiyê daxwaza dadgeha mafên mirovan a Ewropayê jibo azadkirina Selahedîn demîrtaş, Hevserokê girtî yê Partiya Dêmokratîk a Gelan a vî welatî (HDP) riyakarane da zanîn.
Li gorî rapora ISNAyê, Receb Teyob Erdoxan roja Çarşemiyê di axaftinekê jibo endamên AKPê careke din li ser vê nêrîna xwe pêgirî kir ku dadgehên Tirkiyê dikarin derbarê dosyeya Selahedîn Demîrtaş biryarê bidin û hikmê dadgeha mafên mriovan a Ewropayê siyasî ye.
Dadgeha mafên mirovan a Ewropayê roja Sêşemiyê hukum kir ku Tirkiye divê bilez Demîrtaş ku zêdetirî çar salan e di zindanê da ye azad bike.
Ev dadgeh dibêje, hinceta girtina wî, sînordarkirina pirrrengî û behsên siyasî ye.
Selahedîn Demîrtaş berendamê berê yê serokomartiya Tirkiyê û ji kesayetiyên nasyar ên siyasî yên Kurd li vî welatî, Mijdara sala 2016an bi tawana "Propagandaya terorîstî" hat girtin û di zindanê da ye.
Partiya Demokratîk a Gelan (HDP) ku duiyemîn partiya dijberê dewleta Enqerê li Parlimana Tirkiyê ye, piştî darbeya serneketî ya Tîrmeha sala 2016an bi giranî ketiye ber siza û astengkirinên ji aliyê bereya serdest.
