Macron hişyarî da dewleta Tirkiyê û bang li YE`yê kir
Serokê Fransayê Emmanuel Macron bang li Ewropayê kir ku cezayan li dewleta Tirkiyê ferz bike, ji ber ku li rojhilatê Deryaya Spî sûcan pêk tîne.
Emmanuel Macron û serokê Qibrisê Nikos Anastasiades civîneke çapemeniyê li Parîsê li dar xist û Macron tê de got heger Yekitiya Ewropayê (YE) dev ji ewlehiya herêma rojhilatê Deryaya Spî berde û nexasim ji Tirkiyê re bihêle ew ê sûcekî mezin bike, ev jî ji Ewropayê re ne pêşniyar e û Fransayê derfetê nade ku ev yek pêk were.
Emmanuel Macron got ew dixwaze zêdetir ceza li ser kesên ku aliyê deryayî yê Yewnanistan û Qibrisê binpê dikin, ferz bike û bi vê yekê îşaret bi Tirkiyê kir. Macron diyar kir ku ew beş ji Deriyaya Spî ji welatê wan re aktîf e û doza enerjî û ewlehiyê cewherî ye.
Der barê dosyaya Lîbyayê de serokomarê Fransayê Emmanuel Macron bang kir ku ceza li kesên destwerdana Lîbyayê dikin, bê birîn da ku agirbest û çareseriya siyasî çêbibe.
