Davûdoglu: Tirkiyê ji her welatekî zêdetir xisar ji ber krîza Sûriyê dîtiye
Tebax 13, 2015 10:17 Asia/Tehran
Serokwezîrê Tirkiyê îdia dike ku welatê wî ji her welatekî din zêdetir ji ber krîza Sûriyê xisar dîtiye.
Serokwezîrê Tirkiyê, Ehmed Davûdoglu ku welatê wî piştgiriya ji terorîzmê û neyarên hikûmeta Sûriyê girtiye ber xwe got: li çar salên vê dawiyê Tirkiyê şeş milyard dolar ji bo penaberên sûrî di nav axa xwe de xerc kiriye û li vî warî de ti kesî pişta me negirt.Davûdoglu îdia dike ku Tirkiyê ji ber krîza Sûriyê xisar û ziyana herî mezin û giran dîtiye .
Davûdoglu ku bi nûçegihanê BBC re diaxivt, îdia kir ku welatê wî ti caran pişta DAIŞ'ê û grûpên ser bi vê rêxistina terorîstî negirtiye.
Davûdoglu her wiha got: Em li dij gişt grûpên terorîstî yên nav Tirkiyê û Sûriyê ji wan DAIŞ'ê ne ku ewlehiya me û welatên cîhanê bêxin ber tehlukê.
Serokwezîr tirk her wiha li warê şandina hêzên eskerî nav axa Sûriyê jî got: Dema ewlehî û berjiwendiyên me yên neteweyî ji aliyê her grûpeke nav Sûriyê bikevin ber tehlukê, Tirkiye bi gişt hêz û îmkana xwe li ber wê disekine.
Berî viya karzan û pisporên siyaseta navçê welatên wekî Tirkiye û Erebistan ku piştgiriya terorîstên wek DAIŞ'ê di nav axa Sûriyê dikin hişyar kiribûn ku pir muhtemel e li pêşerojê krîza Sûriyê pêsîra welatên hanê jî bigire .
