18 mîlîtanên ser bi Tirkiyê li Sûriyê hatin kuştin
Navenda Ragihandinê ya HSDê derbarê berdewamiya êrişên artêşa Tirkiyê û mîlîtanên girêdayî wê ser Bakur û Rojhilatê Sûriyê agahî da û ragehand ku di vê heyamê de 18 mîlîtan hatin kuştin û gelek wesayîtên leşkerî û motorsîklet hatin îmha kirin.
Li daxûyaniya îro ya Navenda ragihandinê ya HSDê de hatiye ku hêzên wan derbên giran li çekdarên ser bi Tirkiyê xistine û ji bilî kuştina van 18 kesan çend kesên din jî birîndar ku bûne jiyana xwe ji dest dan, gelek kes jî birîndar bûn û gelek wesayîtên leşkerî û motorsîklet hatin îmhakirin.
Navenda Ragihandinê ya HSD’ê diyar kir ku êrişên artêşa Tirkiyê û komên girêdayî wê ser herêmên Bakur û Rojhilatê Sûriyê 3 meh in dewam dikin. HSD tekez kiriye ku li bereya Qereqozaqê 8 mîlîtan li bereya bendava Tişrînê 2 mîlîtan û 8 kes jî li gundên Tîna, Cada, Bîr Heso, Xeseq, Dîkan, Melhe, Sena û girên Sewehê hatin kuştin.
