SAHAR

Hêzên Sûriya Demokratîk (HSD) ragihand ku komeke sîxuriyê ya girêdayî Rêxistina Istixbarata Netewî ya Tirkiyê (MÎT) li bakurê Sûriyê desteser kirîye.

Ferhad Şamî, Berdevkê HSD ragihand ku di êrişên ser Bendava Tişrîn û Pira Qereqozaqê de, komeke ser bi MÎT a Tirkiyê li anvçeyê hatin desteserkirin.

Berdevkê HSD diyar kir ku endamên vê tîmê niha di girtîgehê de ne û yê di rojên pêş de belgeyên kiryarên vê komê  ji raya giştî re bên ragehandin.

Vî rayedarê kurd ê Sûriyê her wiha got, kesên ser bi hikûmeta Tirkiyê niha ketine nav piraniya saziyên Sûriyê û Tirkiye hewl dide li Sûriyê di warê aborî, leşkerî û heta çandî de serdest bibe.