HSDê bi navbeynkariya Rûsiyê dorpêça ser navendên Hesekê û Qamişloyê rakir
Hêzên HSD piştî navbeynkariya fermandê hêzên Rûsiyê li Sûriyê piştî heftiyekê dorpêça navendên bajarên Hesekê û Qamişloyê rakirin. Parêzgarê Hesekê jî derbarê vekirina rêyên ber bi Qamişloyê û vegeryana rewşê bo haleta normal agahî da.
Hêzên Sûriya Demokratîk (HSD) piştî heft rojan dorpêçkirina navendên bajarên Hesekê û Qamişlo yên ku di bin kontrola hikûmeta Sûriyê de ne û girtina pêşiya veguhestina tankerên av û ardûyê ar, xwarin û dermanan û girêdana rêyên di anvbera her du bajaran, bi navbeynkariya Rûsiyê bi dawî anî.
Lûyî Siyuh parêzgarê Hesekê di gotûbêja ligel kanala nûçeyan ya El-Meyadîn de,teqez kir:
Hemû rêyên ku ji bo çûnûhatina sivîlan hatibûn girtin, hatin vekirin û veguhestina tankerên av û ardûyê , ar û xwarinê ji bo navendên her du bajarên Hesekê û Qamişlo dest pê bûye û rewşa vegeryaye rewşa beriya dorpêçê.
Parêzgarê Hesekê herwiha got: Navbeynkariya Rûsiyê piştî sefera fermandarê hêzên Rûsiyê li Sûriyê bo navçeyê, ji bo bidawîkirina aloziyên li Hesekê û Qamişloyê serketî bû.
