Welatiyên sivîl karwanê leşkerên amerîkî ji bakurê Sûriyê derxistin
Niştecihên gundekî bakurê rojhilatê Sûriyê rê li ber derbasbûna karwanê leşkerên amerîkî yên dagirker ji gundên xwe girtin û ew ji navçeya xwe derxistin.
Çavkaniyên xwecihî roja Yekşemiyê ragihandin ku niştecihên gundê Hamoyê li başûrê Qamişloyê rê li ber karwanekî pêkhatî ji 4 erebeyên zirêhî yên ser bi hêzên amerîkî yên dagirker girtin û bi avêtina keviran ber bi wan leşkerên amerîkî neçar kirin ku paşvekişin.
Beriya niha jî niştecihên bakurê Sûriyê çend caran wek nerazîtiya li hemberî hebûna hêzên amerîkî û tirk li van navçeyan bi şêwazên cûr bi cûr dijayetiya xwe diyar kirine û hin caran jî karîne hêzên amerîkî û Tirkiyê neçar bikin ku ji navçeyê derkevin.
Di sê salên derbasbûyî da Amerîkayê bi şandina hêz û çek û rextên zêdetir, asta hebûna xwe li navçeyên niftzêm ên Sûriyê zêdetir kiriye; hebûna ku bûye sebeb nifta vî welatî zêdetir were talankirin.
Dewleta Sûriyê bi caran tekez kiriye ku mîlîtan û terorîstên Amerîkayê li bakur û bakurê rojhilatê Sûriyê ti armancek ji bilî talankirina niftê tunene û dê dawî li hebûna wan a neqanûnî bîne.
