Artêşa Tirkiyê û çeteyên wê gundên bakura Sûriyê bi giranî dide ber topan
Artêşa Tirkiyê ya dagirker topbarana xwe berfireh kir û di van saetên borî de gundê Dirdara yê bakurê navçeya Til Temirê li ser rêya Zirganê topbaran dike. Berî wê artêşa tirk û çeteyên wê Um Kêf ya Til Temirê stasyona kehrebê topbaran kir.
Piştî gundê Um Kêf û stasyona kehrebeyê ya li rojavayê navçeya Til Temirê, artêşa Tirkiyê a dagirker di van saetên borî de jî gundê Dirdara yê bakurê navçeya Til Temirê li ser rêya Zirganê topbaran dike.
Di encama topbarana li dijî gundê Um Kêf ê rojavayê navçeya Til Temirê de stasyona kehrebê ji xizmetê derket. Ew stasyon kehrebê dide navenda Til Temir û gundewarên wê.
Dewleta dagîrker a Tirkiyê û çeteyên wê ji Cotmeha 2019’an ve 30 caran bi awayekî yekser torên kehrebê û stasyonê topbaran dikin. Topbarana li ser gundê Um Kêf hîn berdewam dike.
Li gorî agahiyên ji herêmê, artêşa Tirkiyê û çeteyên wê di van saetan de gundên Um Qura û Hesaçik ên herêma Şehbaya dagîrkirî jî topbaran dikin.
